எம்.ஜி.ஆரின் தொலைநோக்குப் பார்வையானது செவித்திறன் குறையுடைய குழந்தைகளுக்குக் கல்வி கற்பிப்பது மட்டுமல்லாமல், அதற்கும் அப்பாற்பட்டு அவர்களது வாழ்வில் முழுமையான வளர்ச்சியை மேம்படுத்துவதாகும். அவர்கள் கல்வியறிவு, வாழ்கைத் திறன், தொழில் பயிற்சி, தன்னம்பிக்கை போன்றவற்றுடன் குழந்தைகள் தேர்வு செய்யும் எந்தத் துறையிலும் சிறந்து விளங்க வேண்டும் என்பதே அவரது கனவாக இருந்தது. அவர்களை சமுதாயத்தோடு இணைந்து வாழ்வதற்கு ஏற்ப தகுதியானவர்களாக உருவாக்குவதே அவரது விருப்பமாகும்.